Actualidade
Voluntariado e organización
Nunca nos habemos cansar de pór en valor a importancia do voluntariado na nosa organización. A Fundación Odontoloxía Solidaria presta servizo grazas á xenerosidade dunhas 400 persoas voluntarias anuais. Son odontólogas/os, hixienistas e outras persoas profesionais do sector que, ao entraren na nosa organización, reciben formación específica para traballaren nun ámbito especial e con pacientes especiais.
Voluntariado y organización from Odontología Solidaria on Vimeo.
Sumando Sinerxias
Desde hai máis dunha década, Odontoloxía Solidaria colabora coa Fundació Acollida i Esperança a través do proxecto SOPS, que atende pacientes con VIH. Na clínica de Badalona atendemos as persoas que residen no centro de acollida de Can Banús, axudándoas a recuperaren o seu sorriso e a gañaren calidade de vida.
Sumando sinergias from Odontología Solidaria on Vimeo.
Dúas novas clínicas solidarias en 2014
En Odontoloxía Solidaria encaramos con optimismo o próximo 2014, en que se cumprirán vinte anos da fundación da nosa entidade, e para o que está proxectada a posta en marcha de dúas novas clínicas: en Galicia e Andalucía.
En febreiro inaugurarase a nova Clínica Cuarto Mundo da Fundación Odontoloxía Solidaria na Coruña. Situada nun local cedido pola Deputación, a nova clínica contará nunha primeira fase con tres persoas a traballar, que poderán atender unhas dez persoas pacientes por día; cando o local estiver a pleno rendemento, traballarán nela dez persoas que atenderán medio cento de pacientes por día.
No momento de redactar esta nota, avanzan a bo ritmo as negociacións para facer posible outra Clínica Cuarto Mundo, esta vez na localidade malagueña de Fuengirola. Segundo o proxecto que se está a ultimar, e para o que contamos co apoio do Colexio de Odontólogas/os de Málaga, cando a nova clínica estiver totalmente operativa abrirá en horarios de mañá e tarde, podendo atender unhas vinte persoas pacientes por día.
