Odontoloxía Solidaria é unha entidade sen fins lucrativos, creada en 1994, co obxectivo final de mellorar a saúde oral das comunidades máis desfavorecidas.

É resultado do compromiso de profesionais da saúde bucodental que dedican un tempo de traballo voluntario para atenderen persoas que o precisan e que, por estaren nunha situación socioeconómica precaria, veñen derivadas polos Servizos Sociais municipais.

Para desenvolver esta tarefa a Fundación Odontoloxía Solidaria dispón de 8 clínicas sociais en Granollers, Madrid, València, Zaragoza, A Coruña, Burgos, Badajoz e Albacete nas que máis de 360 voluntarias e voluntarios atenden a poboación.

As principais tarefas que desenvolve a Fundación son: a promoción da saúde e hixiene bucodental a través da educación e o tratamento das persoas usuarias nas clínicas solidarias. É a nosa forma de sermos solidarias e solidarios, e de reivindicarmos perante as autoridades e o conxunto da sociedade o Dereito Universal á Saúde Oral.