O Dr. Jesús Rueda García, vicepresidente da nosa Fundación desde 2017, coñeceunos en 2015, a raíz da concesión do Premio ODS (2015), como recoñecemento ao seu labor na creación, implementación e seguemento do Plan de Atención Dental para Discapacitados Intelectuales (PADDI), en Estremadura, unidade de referencia neste segmento en España. Tras o seu interese pola nosa Fundación, en 2016 créase a delegación de Odontología Solidaria en Estremadura. Ese mesmo ano, asinouse un convenio con Cáritas Diocesana de Mérida–Badaxoz para a cesión gratuíta do local que albergará a futura clínica da Fundación. No ano seguinte, o Colexio de Dentistas de Estremadura realiza unha aportación económica para apoiar o proxecto. Grazas á colaboración de outras entidades, acadarase en breve o obxectivo de que, ao longo do primeiro semestre do ano 2020, a desexada clínica solidaria de Badaxoz poida ver a luz.